Haus Michel Funck 1916 an der avenue de la Liberté - wou stung dat? - Geléist!

Gudde Mëtteg,

Villmools Merci fir déi ganz ausführlëch Hëllef!

Ech hat op där annerer Stroossesäit gesicht... an natirlëch näischt fonnt!

hei um industrie.lu steet en plus fir 1931: Luxemburger Steinholzwerk Mich. Reifenberg, Luxembourg - gare, avenue de la Liberté 64, Lager früher Funck - Vanderlinden

Ee schéine Mëtteg,

Pascale









 

Gudde Moien,
D'Adress vum Haus misst avenue de la Liberté Nr.64 gewiescht sinn an d'besteet haut net méi.
De Plang 'Bombenangriffe_Luxemburg-Bahnhof_1914-1918.jpg' ass aus dem Buch 'Bombenangriffe auf Luxemburg in zwei Weltkriegen' vum Melchior.
De Plang 'Bomben-auf-das-Bahnhofsgebiet_aus_Fliegerangriffe-auf-Luxemburg.jpg' aus dem Buch 'Die Fliegerangriffe auf Luxemburg 1914-1918' vum J.P. Robert.
Déi zwee stëmmen zimlech iwwerteneen. Do ass ze gesinn dass d'Bommen virun allem ëm d'Gare gefall sinn, mat engem 'Cluster' um Block avenue de la Liberté/ rue Glesener/ rue André Duscher/ rue d'Anvers. An dem Block war och dat Haus.
De JPG fichier 'Luxemburg-im-Kriege-14-18.jpg' ass aus dem Buch 'Luxemburg im Kriege 1914-1918 vum Ernest Faber, do ass nach eng aner Foto vun dem Haus. De Standpunkt ass de selwechten awer déi muss bësse méi fréi wéi är gemeet gi sinn well do ass de Giewel bei dem mansardéierten Deel nach nët sou wäit agefall. Den zousätzlechen Text am Buch ass: In der Nacht vom 17./18. Juni erfolgt ein folgenschwerer Fliegerangriff auf Luxemburg-Bahnhof. Eine Bombe fiel in der Bahnhofavenue auf das Haus Michel Funck-Gervais. Die Bombe explodierte im Speicher und hatte eine furchtbare Wirkung. Das Dach stürzte zusammen und begrub unter den Trümmern Frau Witwe Funck. Die unglückliche Frau wurde tot aufgefunden.
Op de Fotoen aus dem éischte Band vun 'Lëtzebuerg am Zäitvergläich' ass d'Haus 1920 ze erkennen, rëm obgebaut mat eng zousätzlechen Stack. D'Nopeschhaus riets dovunner ass do och kloer ze erkennen. Op der Foto vunn 1994 existéiert ärt net méi, d'Nopeschhaus riets niewendrun steet awer nach. Op dem Terrain vun ärem Haus steet lo e Gebäi aus den +-70er Joeren (hannert dem Rout Kräiz Fendel). Den eidelen Terrain lénks dovunner ass do bebaut awer dat war vum Baustil hier sécher virum zweete Krich.
Um Google Street View stinn déi zwee Häiser lénks nach, dat riets vun ärem ass do och well verschwonnen. Dat heescht d'ginn keng Unhaltspunkter méi op dat ursprünglecht Haus am Verglach mat ärer Postkaart.
Ech war net op der Plaz, haut kann et nach anescht ausgesinn.
Nom Geoportail misst, wéi gesot a wann ech mech net geiert hunn, déi heiteg Adress vun dem Haus 64 avenue de la Liberté sinn.

E schéinen Dag
Jean-Marie