industrie.lu ënnerstëtzen a Steiere spueren

hei eng Info an eegener Saach:

Den industrie.lu - Projet, deen integral vun engagéierte Benevollen gedroe gëtt, ass eng richteg Häerzenssaach. All Foto, déi erëmfonnt gëtt, all Dokument, dat virum Vergiessen gerett gëtt, all Témoignage, dat weidergi gëtt, beräichert eng gemeinsam Geschicht, déi mir op industrie.lu fir jiddereen zougänglech maachen. Bicher, Objeten, Fotoen, Filmer, Reklammen, Familljearchiven… alles zesummen gëtt dat zu engem wichtege Bestanddeel vun dësem menacéierte Patrimoine.

Dëse Patrimoine ze erhalen an online ze setzen huet déi läscht 25 Joer vill Zäit, Asaz a Suen erfuerdert.

Äre Don ass net nëmmen eng finanziell Hëllef: et ass e Geste vum Vertrauen, e Zeechen, datt dës Geschicht Iech och wichteg ass. Dank Iech kënne mir dës Schätz weider sécheren, presentéieren, deelen an dës lieweg Vergaangenheet un déi nächst Generatioune vermëttelen.

Zënter Enn 2025 ass et méiglech industrie.lu ze ënnerstëtzen a gläichzäiteg Steieren ze spueren:

Wann den Don op de Kont IBAN LU24 0019 4655 0203 7000 vum «Fonds culturel national » (als bénéficiaire) bei der Spuerkeess (BIC: BCEELLL) iwwerwise gëtt, mat der Mentioun « 2025/164 Industrie.lu » ënnerstëtzt Dir direkt industrie.lu a profitéiert gläichzäiteg vun engem steierleche Virdeel: Äre Bäitrag ass steierlech ofsetzbar an Dir kritt eng offiziell Attestatioun zougeschéckt.

All Ënnerstëtzung zielt  -  Villmools Merci am Viraus !