ARBED - Division de Differdange Usine - Annuaire téléphonique - Avril 1974 (Collection: Marcel Schlim)

Laang Zäit waren di eenzel Apparaten op den ARBED - Divisiounen vu baussen just iwwert een Tableau mat Operateur ze erreechen.
Laut mengen Studien an den Telefonsbicher war de Belval 1963 di éischt Divisioun mat Sélection directe (Durchwahl).
AW: "ARBED Belval avec le 52901-XX. A noter qu’aux autres divisions et à la direction centrale ARBED il faut toujours passer par le tableau." (1963)
Duerchwahl war laang  en deiere Luxus.
Op der Eisebunn an op der MMRA zu Rodange war et nach nach laang de Standard mat dem Operateur bis Enn 1970er. Ech hunn nach de Klang am Ouer "D'Eisebunn", eng Dammestëmm ouni Begeeschterung.
Dat huet awer net verhënnert dat d'ARBED direkt Circuiten iwwert d'Post (Monopol!!) vun den Divisiounen mat der Generaldirektioun hat. ("circuits loués").
Ech erënnere mech dat zum Schluss (1980er) um "ale Birenger Kabel" (Lux-Ville Bettembourg Burange Esch Differdange Pétange, geluecht 1922 vun F & G) nach just e puer Circuiten op d'Diddelenger Schmelz louchen. Dat woar de kiirzeste Wee an dofir den mat dem klengsten Ohm Widerstand an Dämpfung.
Zu Esch konnt d'ARBED natierlech alles iwwert hiren Terrain, zum  Deel laanscht hir Eisebunnsstrecken, matenaner verknëppen an och nach international bis op Audun (dat huet jo kee gemierkt!).
Ech erënneren mech nach un eng Diskussioun wou den Héichuewen C gebaut gouf an d'ARBED en Telekomkabel iwwert hir Gasleitung op Déifferdeng geplangt huet. Di Leitung woar zwar ARBED Propriétéit mä si huet e puer mol d' "Voirie publique" iwwerquiert. A just dat war de Critère no dem Gesetz vum 20. Februar 1884 wou de Postmonopol festgeschriwen gouf. D'Spezialarrangementer mat GL an PH  goufen deemools ausdrécklech ausgeklammert.
Dat Gesetz ass eréischt 1997 abrogéiert ginn!
Verschidden Industrien haten och schonns mi laang direkt Postfraileitungen mat dem Haapttableau (manuel) an der Stad, esou wés ech vun der Déifferdenger Schmelz an der Woltzer Liederfabrik.

(Albert Wolter 7.2020)