Den Ursprong vun deem Gebai war eng Millen, déi ëm 1860 do gebaut gouf, als Ersatz fir eng Millen, déi virdrun ronn 350 Meter méi no bei Mamer louch.

D’Millen vu virun 1860 gouf Almillen genannt, an dat gouf dann och den Numm vun der neier „Almillen“. Propriétaire war den Peter Schmitz-Marx. No sengem Dout gouf dee ganze Bering tëschent 1891 an 1897 no an no un Etablissements Mercier verkaf.

Den Direkter Edgar Cossé huet do eng Kuerfmécherei installéiert. Dofir gouf d’Gebai vun der Millen restauréiert an ëmgebaut. Ugebaut goufen de Sall, fir d’Kierf ze flechten, an ee Personalraum. Dat Gebai op der anerer Säit vun der Mamerstrooss war de Päerdstall mat enger Scheier. Uewenaus, um Plateau vum Brameschbierg, gouf och nach ee Chalet gebaut, de Chalet du Belair“, wou de Cossé sech mol zréckgezunn huet. Aus där Zäit kënnt de Begrëff „Weidemillen“.

Nom 1. Krich hunn d’Aktivitéiten vu Mercier am Ländchen ofgeholl. 1928 huet Mercier d’Weidemillen un den Industriellen Nic. Zimmer-Maroldt verkaf, deen doraus säin Landsëtz gemat huet. Den Zimmer-Maroldt huet dat aalt Gebai komplett ëmgebaut a vergréissert. Um Enn huet et vu baussen sou ausgesinn, wéi et och haut nach do steet.

D’Famill Zimmer-Maroldt huet de ganze Bering 1936 verkaaft un „Corporation des Frères de la Charité“, einfach die „Barmherzigen Brüder“ genannt. Déi hunn een Fleegeheim an Erhuelungsheim doraus gemat. 1944 hunn d’Preisen alles beschlagnahmt an ee Lazarett ageriicht. Nom Krich hunn d’Barmherzigen Brüder un de Staat verlount (1945), deen provisoresch ee Sanatorium installéiert huet, dono ab 1946 een Altersheim.

D’Altersheim gouf vun den Elisabetherinnen bis 1986 bedriwwen. Dunn gouf d’Altersheim iwwerholl vun der As.b.l. „Aide familiale - Aide Seniors“ ënner der Bezeechnung „Centre de l’Oseraie“. 1991 huet d’A.s.b.l. „Caritas Accueil et Solidarité“ den „Centre de l’Oseraie“ iwwerholl fir sozial benodelegt Leit oder gesellschaftlech ausgegrenzte Persounen ze betreien.

Am Detail ass dat mat Fotoen an Zeechnungen nozeliesen an den Hefter „fréier & hott“ 18, 19 an 20. http://www.koplescht-bridel.lu/lb/publicatiounen/heft-18-november-2017.html http://www.koplescht-bridel.lu/lb/publicatiounen/brochure-19---maerz-2018.html http://www.koplescht-bridel.lu/lb/publicatiounen/heft-20---november-2018.html

Mike Anen

Transfert des oseraies de Grevels à Kopstal

Culture des oseraies à Kopstal - Weidenplantage in Kopstal - (Val des Oseraies): 14 ha Altmühle, Kehlen

Vannerie Mercier - Korbflechterei

Herstellung von Versandkörben, Körbchen, Blumenständer, Arbeitskörbchen, Schirmständer, etc.